O se tasi o tagata iloga i Amerika i le finauina o aiā tatau, Jesse Jackson, ua maliu i le 84 tausaga o lona soifua ma ua faamaonia lea i se pepa o faamatalaga mai lona aiga faasalalauina i le BBC.
O le susuga i le faafeagaiga na amataina le Rainbow Push Coalition ma e lē o faailoaina le māfua’aga o lona maliu ae ua lipotia sa taofia i le falema’i i le faai’uga o le tausaga na te’a nei.
Ua faailoa faamaisega ma alofa’aga mo si ona aiga mai vaega eseese o le lalolagi e silafia Jackson.
Fai mai lona aiga o ia o se tagata e maumaua’i i le amiotonu, avanoa tutusa ma aiā tatau a tagata ma sa galulue faatasi foi ma Martin Luther King Jr ma tauva foi mo le tofi Peresetene o le atunuu i le 1984 ma le 1988.
Faailoa i faamaisega mai lē sa avea ma Peresetene o Amerika, Barack Obama, ua silia i le 60 tausaga o ta’ita’i ma fesoasoani Jackson i gaioiga na faia i le talafaasolopito o Amerika auā le finauina o le sa’olotoga ma le faatemokalasi ma e talitonu Jackson o tagata uma o fanau a le Atua ma e ao ona faaaloalogia.
Puna o Faamatalaga: https://www.bbc.com/news/articles/cp81l0e1eg5o
