Ua saunoa le pulenuu o Aukilani o Wayne Brown o le totogi ma le avega o loo tuuina i luga o le aai o Aukilani e galuega fai i luga o auala o se tulaga lē fetaui tele aemaise le faalavelave soo o le faatonutonuina o taavale i nisi o taimi.
I se pepa o faamatalaga ua faamatuu mai e le pulenuu ua ia faataoto mai ai se fuafuaga e fa ni ona vaega ina ia foia ai le tulaga o loo tulai soo mai i le poloka o le auala.
Fai mai a ia o le umi o le taimi lea e fai ai auala ma le tapunia soo o magaala atoa ai ma le faaaoga soo o cones ia e polokaina o le matuai anoanoai o ia mea e le tatau ona faia.
O le fuafuaga la a le pulenuu e aofia ai le amataina loa o se faataitaiga mo le ono masina e silasila ai i avanoa e faaleleia atili ai le faatinoina o galuega ia.
Faaopoopo atu i lea e manao le pulenuu ia silasila ofisa o loo maua ane ai galuega tau auala ina ia silasila i le faaitiitia o le avanoa e fao uma e galuega ia pe a faia.
