E lē o fiafia le pulenuu o Hamilton i le fusuaga o loo tapena e faia i le asō.
O lea o loo salalau i luga o le social media le faasalalauga o loo faatalosagaina ai tagata e agai atu i se tasi o fale faatali pasi i Hamilton, ma o loo faaigoaina o le Battle of the Hoods.
O loo iai foi ma le tala i lea faasalalauga ua mae’a faatulaga le fuafuaga e fai pe afai ae faalavelave leoleo.
I se lipoti mai le ofisa o leoleo i tala a le Stuff ua oo atu lipoti i le ofisa e tusa ma le fusuaga o loo tapena mo le asō, aemaise ai o tala o loo salalau online.
Ua sau ai ma le talosaga mai le ofisa leoleo i tagata e taumamao ma aua nei auai ai.
Ae fai mai le pulenuu o Paula Southgate, o se matuai faanoanoaga ia te ia le faasalalauga ua ia maua ma e le o se mea e fia vaai iai e tupu i le aai.
E fai o le lē fiafia o le pulenuu i tagata o loo faamaopoopoina a o tagata foi o loo faasoa ma faasalalau online.
O loo mataitu e leoleo lea vaega o Hamilton i le asō.
