E lē o lava se taimi e faia ai fetuunaiga a fale faatau taavale poo car dealers agai i suiga o le Clean Car Discount Scheme a le malo.

Toe lua masina aloaia suiga o le a faaitiitia ai rebates poo tupe nei o loo maua e tagata faatau taavale pe faatau se taavale o ituaiga hybrid.

E le gata o le faaitiitia ae o le a iai foi suiga e le toe maua ai nisi o rebates o loo maua i le taimi nei.

Ae mo taavale e telē le aafia ai o le siosiomaga o lea o le a alu i luga le tau latou te totogia.

O ni suiga ua laitiiti tele le taimi ua tuu mai e le malo, ona o lea e tele lava ina oo atu i le 2 masina e faatali ai le taavale e oka mai Iapani, ma o lona uiga e taunuu mai loa ae ua le toe maua ma le rebate ma o le a toe tau saili foi la se isi tupe e faatupe ai.

Na lipotia e le leitio a Niu Sila, o loo talosaga se tasi o fale taavale o le 3, 4 poo le 6 masina lava le piriota sa tatau ona tuu mai ae le o le lua.