Ua tula’i foi se isi lu’itau tele mo le alii Palemia o Kanata o Justin Trudeau ina ua faamavae foi le isi ana minisita, le Mnisita o Tupe, Chrystia Freeland o se tasi o tagata aupito umi i lona tofiga.
Ua ia folafola i le aso ananafi lona faamavae mai le Kapeneta.
O le faia o lea gaioiga a Freeland ua sana fesiligia ai e tagata poo le ā le umi o le a taofi ai e le Palemia lona tofi i le tele o le mau suiga ua tula’i mai.
O le ta’ita’i o le Itu Agai, Jagmeet Singh ua valaau i le Palemia ua tatau loa ona faamavae atu ai ma ia ma valaau ai foi mo le toe faia loa o se isi palota.
O le Peresetene filifilia o Amerika, Donald Trump sa ia faailoa i sana saunoaga i le taimi ua tuana’i o le a ia tuuina se lafoga e 25 pasene i oloa uma e ulufale atu i Amerika mai Kanata ma Mexico se’i vaganā ua faaitiitia le aofa’i o tagata malaga atu i le atunuu migrants ma fualaau faasāina.
Puna o Faamatalaga: https://www.9news.com.au/world/justin-trudeau-canadian-prime-minister-faces-biggest-test-to-political-career-as-finance-minister-resigns/46e7ebf3-f4f5-42ca-b370-eea52fdd0524
