Ua folafola e le Wesley Mission le tapunia uma o ona nofoaga o loo tausi ai tagata matutua i Sini ona o luitau ua feagai pea i le faatumauina o tagata faigaluega.
O nofoaga i Sylvania, Carlingford ma Narrabeen ua fuafua e tapunia i le faaiuga o Me ma o se tulaga faapopoleina mo le lata i le 200 o tagata o loo aumau ai.
Na saunoa le faauluuluga o le Wesley Mission, Rev Stu Cameron o le faaiuga ua alagatatau ona faia ona o le faigata ona ausia o manaoga o iai mo tagata faigaluega i ituaiga nofoaga faapea.
Ua lipotia i le ABC sa faatulaga e le faigamalo se taulaiga e tatau ona iai ni tausi soifua lesitalaina i auaunaga faapea a o lei oo i le aso 1 o Iulai mae tautino le faafeagaiga o le masina talul ai e iai nofoaga e lei ausia lea tulaga.
Ua lipotia la ua fiilfilia nei e le Wesley Mission le Mycare path lea e faapitoa le latou auaunaga i le tausia o tagata matutua ia o latou ofoina ane fesoasoani i ē o loo aumau i le nofoaga sei vagana ua maua ni o latou nofoaga fou aemaise foi le aufaigaluega o iai nei ina ia toe maua nisi a latou galuega.
