Ua saunoa le Palemia o Ausetalia, Anthony Albanese o le a kava e lana faigamalo le 80 pasene o galuega faaleleia ina ia faamautinoa le saogalemu o le auala lea o Bruce Highway pe ā ma le 1600km le umi.
O le folasaga lea e 7.2 piliona e aofia ai o le amataga lea o le campaign a le alii Palemia i le amataga o lenei tausaga a o iai i sana asiasiga i Kuiniselani, Northern Territory (NT) ma Western Australia (WA).
O loo naunau le faigamalo ia faatumauina o latou nofoa e 3 na manumalo ai i le palota o le 2022 ma fesoasoani ai i le malo a Albanese.
O le vave faailoa o fuafuaga a le Leipa ae faato’ā amata le tausaga ua alia’e ai ma popolega o nisi e i’u ina vave faatino le palota ae fai mai le Palemia i le lipoti a le ABC, o le palota o le filifiliga i le va o le fausia o le lumanai o Ausetalia poo le toe foi i tua o Ausetalia ma o lana faigamalo e alolofa i le atunuu o le ala lea o le faailoa o se faamāmā avega e le malo.
Fai mai le Palemia ua mautū le faamoemoe mo le fausia o le Bruce Highway ona e tāua tele lea mo feoa’iga a tagata e lē gata i Kuiniselani ae faapea foi mo le feavea’iina o oloa i le atunuu.
Puna o Faamatalaga: https://www.abc.net.au/news/2025-01-06/federal-labor-to-fund-bruce-highway-upgrades/104786352
