E faitau miliona tagata Ausetalia e ono toe aafia i le Koviti-19 i le agai atu i le faai’uga o le masina ina ua vaaia le siitia pea o tagata aafia ua iai nei ma faatupula’ia pea gasegase i falema’i i Ausetalia.
O le taimi nei e 316,773 tagata o loo aafiai le koviti i le atunuu atoa ae toeitiiti 5 afe gasegase o le koviti i falema’i i le taimi nei.
Saunoa le minisita o le soifua maloloina Mark Butler e faasolo atu ina siitia pea tagata e aafia aemaise o le taumālūlū. Ua fautuaina pea tagata ia faaeteete ma puipuimalu soifua e lē gata i le koviti ae o le fūlū masani lea ua aafia ai le to’atele.
