Ua ta’utino le minisita o leoleo Mark Mitchell e moni e matuai tele le faaletonu i Aukilani Tutotonu ae na ia ta’ua e iai mea ua mae’a faatino iai ni galuega faaleleia.
E silia ma le 100 le aufaipisinisi i le aai ma i latou e aumau ai na auai ane i le fonotaga lautele sa faia ma le minisita ma o latou faailoa ai e lagona lo latou lē saogalemu ma manaomia le tele o malu o le malo i luga o le alatele.
Ua faailoa e le minisita i le Morning Report pe ā ma le 60 pasene ua siitia ai le numera o leoleo ua petolo i magāala o Aukilani Tutotonu talu ona tulai mai le faigamalo fou.
Ua tuua’ia ai e le minisita le faigamalo talu ai a le Leipa ma ia saunoa ai o faamaumauga i le taimi nei ua iloa ai ua iai mea ua faaleleia i totonu o le ono masina talu ai.
Fai mai le minisita o le mataupu foi lenei e lē mo na o leoleo ae e aofia ai foi le Council ma le asosi a le aufaipisinisi.
O se tasi manatu taatele na laga ai i lea fonotaga o le toe faia lea o le ofisa o leoleo i le ogatotonu o le aai ona ua fai si tuai o le tali ane a leoleo i nisi faalavelave e lipotia atu mai faaitu ia aemaise o le faatupula’ia o faaletonu i luga o Queen Street.
Puna o Faamatalaga: https://www.1news.co.nz/2024/06/05/assaulted-and-intimidated-akl-residents-vent-to-police-minister
