Ua lipotia o le a lē auai le Palemia o Ausetalia o Anthony Albanese i le fonotaga a le NATO o loo fuafua e faia i Lithuania.
Ua lipotia mai i le aso i le 9news o le faamatalaga a le sui palemia o iai nei o Ausetalia, Penny Wong a o faatalanoa i luga o le Today show i le taeao analeila ua ia faailoa ai e le o fia faia sana faamatalaga i lipoti mai le Sydney Morning Herald ma le The Age e faapea e le auai le Palemia i le fonotaga a le NATO ia Iulai.
O le vaiaso talu ai na saunoa ai le failautusi aoao o le NATO o taitai o atunuu e le o ni sui o le NATO, lea e aofia ai Ausetalia, Iapani, Kolea ma Niu Sila o le a valaaulia mo le faaalua ai lea o taimi i le fonotaga faaletauga a le NATO.
E le o iai se faamatalaga aloaia mai le ofisa o le Palemia e tusa o lea mataupu ma ua faailoa foi e Wong o loo faatali mo se folafolaga aloaia mai le ofisa o le Palemia i le mataupu lea.
O le autu o le fonotaga o le faamalosia atili o le sootaga ma le tutu faatasi o totino o le NATO e lagolago atili Ukraine.
Fai mai a o faia le fonotaga lea o le a faaauau pea foi ona faamalosia le sootaga a Saina ma Rusia ae mo le Palemia o Ausetalia, o le a auai atu i le faapaleina o le tupu o Salesa i le masina fou ma faaauau ai isi ana malaga agai i Iapani, Singapore, Initia ma Amerika.
