Ua faasala tupe le kamupani vaalele a le Air Asia i lona lē usitaia o faatonuga na alu atu mai le Immigration a Niu Sila, e faasā ai ona sau i Niu Sila le tagatanuu Meleisia.
E $11,475 le faasalaga ua faasala ai nei le kamupani vaalele, ma i molimau a le sooupu o le Immigration i Niu Sila nei, o lea lava na toe faafoi i le malaevaalele le pasese na sau ina ua mae’a faatalanoa e sui o le Immigration.
I suesuega na faia na iloa ai o lea lava na maua e le Air Asia le faatonuga e faasā ai ona aumai i Niu Sila le pasese ma o le alia’e ai o le mataupu lenei ua fai mai ai ma le Immigration e silia ma le tasi selau pepa o faasalaga na tuuina atu i le Air Asia ona o lona soli o aiaiga i lalo o tulafono o femalagaa’iga.
O le pasese na toe faafoi o se tasi e iai ona talaaga e lē lelei i totonu o Ausetalia ma o lea na sau mai Kuala Lumpur e ui ane i Sini Ausetalia faato’ā sau ai i Niu Sila.
Puna o Faamatalaga: Airline fined for ignoring order not to board NZ-bound passenger (1news.co.nz)
