O le faateteleina o gasegase o le tau mālūlū ua iai nei faapea foi le faama’i ua atili faaitiitia ai le aofai o tagata faigaluega avanoa mo le faatautaia o galuega e pei o auaunaga i nofoaafi ma pasi.  

Ua faailoa i lipoti a le Stuff i le asō o le tele o fesuia’iga e mātele lava i malaga a pasi. O loo taumafai le Auckland Transport e faasoasoa lelei le fetuuna’iga o nisi faigamalaga ma nisi ua faalēaogāina i nisi faaitu ae tele tagata o loo faaseā i le lē oo atu o isi malaga. 

Fai mai le lipoti pe ā ma le 200 pe sili atu avepasi e lē o auai atu i galuega ma o loo faatalanoaina pea foi le mataupu i le faaleleia atili o nofoaga faigaluega mo i latou ia. 

Ua faailoa e oo atu i le 2,000  i le asō faigamalaga faalēaogāina ona o ia faaletonu.