Ua faailoa e leoleo i sa latou faamatalaga i le vaiaso nei o tulaga o faalavelave tau solitulafono, crime, ua faaiiitia i Aukilani Tutotonu peitai o le saogalemu o tagata e agai atu i le aai o se tasi lea o vaega o loo galulue ai i le taumafaiga o soligatulafono ma i latou e leai ni mea e nonofo ai.
Fai mai leoleo i le lipoti a le NZ Herald o nisi o tagata e foliga mai o ni tagata e leai ni mea e nonofo ai, homeless peitai e leai, o nisi o i latou ia o loo iai fale e nonofo ai peitai o loo agai atu pea i le aai ma talosaga i tagata mo ni tupe.
Na ta’ua i se pepa o faamatalaga mai leoleo i le RNZ fai mai leoleo o le tagofia o mataupu faatatau i fale, soifua maloloina ma isi mataupu e aofia ai tagata e iai addictions e ono faaitiitia ai le aofai o tagata e leai ni mea e nonofo ai.
Fai mai leoleo e lē o se solitulafono le leai o se mea e nofo ai, o se faafitauli tau le soifuaga e manaomia ai se galuega fai faatasi e faafetaui ai ia ituaiga lu’itau.
Puna o Faamatalaga: https://www.nzherald.co.nz/nz/police-say-crime-has-reduced-in-central-auckland-but-safety-for-visitors-is-still-a-focus/QTCIW5CAJJDTHP4OJCX5WMVBFU
