Ua faaopoopo pea ona pa’ū maualalo le rate o tagata lē faigaluega i Ausetalia ma o le aupito maualalo lea ua faamauina talu mai le 1974 e pei ona lipotia e le 9News.
O faamaumauga faato’ā faamatuu ai nei e le ofisa o fuainumera faamauina a Ausetalia ua iloa ai lea tulaga. O Iuni o le tausaga nei lea ua faamauina ai le pa’ū i le 0.40 pasene o le aofai o tagata lē faigaluega i Ausetalia ma faamauina ai ua to’atele tagata ua maua galuega, ua silia ma le 54 afe.
Fai mai i latou o loo nafa ma le faamaumauina o ia numera e iloa i’i le telē o le mana’omia o tagata faigaluega i le atunuu. O le itupa o tamaitai ua faamauina e 3.4 pasene le au lē faigaluega ae o alii e 3.6 pasene.
O le faaititia o le aofai o tagata e lē faigaluega ua atagia ai le to’atele o tagata ua toe foi i galuega pe ua maua foi ni galuega mo le taimi muamua ma isi o loo iai pea i galuega.
