E le talitonu nisi o le aufaigaluega a le soifua maloloina e mafai e le fuafuaga a le matagaluega ua tuuina mai ona foia ai le faafitauli o le utiuti o le augalulue.
O le vaiaso talu ai na faailoa mai ai e le Te Whatu Ora lana winter heath plan lea e fetuunai ai gasegase faapea siaki e moomia i masina o i luma.
O suiga nei o le a mafai ai e le pharmacist ona ia suesueina gasegase e lē tugā aafiaga o loo maua ai ma tuu atu iai talavai.
O gasegase foi e moomia fā’ata o le a tuuina atu e faia e fomai i tua ina ia tuuitiitia ai le fuainumera o gasegase taofia i falemai.
O se fuafuaga e talitonu nisi o le aufaigaluega na faailoa i tala a le leitio a Niu Sila e logo mālie ae o le fesili – o ai le aufaigaluega e faia?
O le fomai foi mai le falemai i Middlemore i le vaega o Emergency Department e le o finagalo e faailoa lona suafa e matuai le talitonu e mafai e le fetuunaiga lenei ona foia le faafitauli o loo iai ona o itu uma lava o auaunaga tau le soifua maloloina lea e moomia nisi tagata faigaluega.
