I le 79 atunuu o le Atu Kerepeane, Aferika ma le Pasefika o loo avea ma sui o lea mafutaga o atunuu o loo fai paaga ma atunuu o le Iuni a Europa, e itiiti atunuu e lei saini i le maliega o le Samoa Agreement ua faamautu ai fesoasoani a le Iuni mo le isi 20 tausaga.
O le mae’a o le fono a Minisita o le Fono Faatonu a atunuu Aferika, Kerepeane ma le Pasefika i le Aso Lua e pei ona sa tauaofia i Samoa na faailoa ai e le failautusi o le faalapotopotoga o ia atunuu e 79, ua mafua ona lē saini nisi Malo i le maliega ona e iai a latou faiga faavae e tatau ona faamalieina muamua e pei o le Palemene e faia ai se ioega.
E ono masina o loo tuu avanoa ai le faalapotopotoga i ia atunuu e tatau ona sainia ai le maliega peitai ua faaalia e le failautusi o loo talosagaina e ia atunuu le umi e 12 masina.
Sa faailoa e le taitai o le tatou Malo le afioga i le Palemia le autu o le sainia o le maliega ua faaigoa nei o le Samoa agreement.
Se finagalo o le tamaitai Palemia afioga Fiame Naomi Mataafa i se feiloaiga ma tusitala.
