O tagata malaga uma e faimalaga mai i Niu Sila ua iai nei le avanoa e faatumu ai a latou pepa o tautinoga poo le declaration form i luga o upega tafailagi nai lo le faatumu o le pepa o le arrival card e pei ona masani ai.
O le NZ Traveller Declaration (NZTD) ua amata avanoa i le vaiaso nei i luga o upega tafailagi mo pasese uma e agai atu i le malaevaalele faavaomlo i Aukilani.
O le faiga fou lea o le a suia ai pepa e pei ona masani ai e ao ona faatumu e le pasese pe a ulufale mai i Niu Sila.
O loo iai pea lava ni forms faapea o le a avanoa ane mo i latou e lē mafai ona faatumu le form i luga o upega tafailagi.
O forms ia e aoina ai e le malo faamatalaga e faatatau i le malaga, o faamatalaga tau tiute, immigration ma le biosecurity lea e masani ona faaalu ai se taimi pe ā ma le 10 minute i lona faatumuina.
