Ua mautinoa nei o le teineitiiti 17 tausaga le matua, lea na faatinoina le tafanaina o se tagata talavou ma se faia’oga i se a’oga i Wisconsin i Amerika.

Ua faamaonia mai e le au su’esu’e i Amerika ia faamatalaga ma faailoa ai o le teineitiiti o se teine a’oga i le Abundant Life Christian School ma e to’aono isi tamaiti a’oga na manunu’a ai i lea faalavelave.

Fai mai le CNN e foliga na toe fana lava e le teineitiiti na ia i le taimi na tupu ai le faalavelave.

E to’atolu ua faamaonia ua maliliu e aofia ai ma si faia’oga ma le isi tamaitiiti a’oga e pei ona ta’ua muamua.

O le isi to’aono o loo i falema’i e to’alua e tigaina ma isi ua faasolo manuia.

O loo faaauau le su’esu’ega i le taimi nei ae ua faailoa na maua ai i le a’oga se fana ma o se tasi foi lenei o aso faanoanoa i Amerika ona o le faaauau pea ona tupu ai o nei ituaiga faalavelave.

Puna o Faamatalaga: https://www.9news.com.au/world/wisconsin-shooting-updates-five-dead-including-child-after-us-christian-school-shooting/22b9302f-93c4-4658-a05b-836d43a89fb6