E to’alua ni alii ua molia i le faalavelave na fanaina ai se tasi alii e 38 tausaga i le itu i Sisifo o Sini.
Faailoa mai e le 9News o le aso ananafi na tupu ai le faalavelave lea na fanaina ai Abdullah Bahsa, e 38 tausaga le matua, i se unit i Lidcombe i le vaveao ananafi faato’ā te’a le 4 ma sa maliu lea alii ina ua taunuu atu i le falema’i.
Ua faailoa e le 9News o lana uo lea na iai faatasi ma ia i lea taimi sa aafia foi i manu’aga ae mulimuli ane i le aso ananafi toe valaau ane le fesoasoani faavavave i se faalavelave i Ermington o ni taavale lavevea.
Fai mai na maua atu ai e leoleo se fana i le tasi o taavale ma pu’eina ai loa le avetaavale.
E 21 tausaga o se alii na ave atu i le ofisa o leoleo i Galdesville ma faia loa iai moliaga o le fasioti tagata ma le fuafua e faaoo manu’aga i isi.
Na pu’eina mai le isi alii e 22 tausaga le matua, mai se fale i Ermington lava ma ua molia foi i le fasioti tagata.
E lē o faatagaina ona tatala i tua ma e tutula’i i le faamasinoga i le asō.
Puna o Faamatalaga: https://www.9news.com.au/national/lidcombe-news-two-men-charged-after-fatal-shooting-of-38yearold-man-in-sydneys-west/e60aa3c4-bafe-44ad-934e-9020c73e9733
