O lea ua tatala aloa’ia le faauluina o talosaga mo ē agavaa i le Sitiseni Niu Sila.
O faamatalaga uma o loo maua i le upega tafa’ilagi: https://www.govt.nz/browse/passports-citizenship-and-identity/nz-citizenship/apply-for-nz-citizenship-if-born-in-samoa-before-1949/
Saunoa le Fetalaiga ia Leulumoega, Teleiai Edwin Puni, “Samoa e lē faigofie lenei finauga ua 42 tausaga o taumafai mai. Talofa e, ua tele foi ina fai i lagi i latou o loo agavaa i lenei mataupu. E ui foi la ina ua lē ogatasi le futia ma le umele e pei ona iai le faai’uga a le Privy Council i le 1982 e agavaa ai alo ma sui, ae o mataupu e mafai ona toe finau pea ma finau pea.”
“Ua atofa ai nei le Aso Faraile 29 Novema (6pm – 8pm) e fai ai le Lotu Faafetai o le Sitiseni Niu Sila. E talo faaaloalo atu ai i le mamalu o Samoa potopoto, aemaise o aiga ma fanau a i latou o le a faamanuiaina ina ia o tatou fa’atasi ai i lenei aso tuupoina. O le a faia i le falesa o le Ekalesia Aso Fitu Tutoatasi (SISDA), 17 Cape Road, Mangere, Aukilani i Niu Sila.”
- Ua tuuina atu le valaaulia mo se saunoga a le Malo o Niu Sila, faapea vaega faaupufai uma i Niu Sila.
- Ua tuuina atu le valaaulia i le Palemia, Fiame Naomi Mataafa ma le faigamalo a Samoa, faapea ta’ita’i o le vaega faaupufai o loo agaia le Malo.
- O loo valaaulia faapitoa toa manumanu o lenei finauga, le susuga i le alii Faipule ia MP Teanau Tuiono, faapea le tinā ia Falema’i Lesā.
- Ua valaaulia Samoa potopoto, aemaise i latou uma sa tula’i ma lagolago i lenei sa’iliga malo.
- O le Lotu Faafetai mo le Sitiseni Niu Sila o loo tapenaina e le tafatolu o sa’iliga malo, le PLF Taeao o Faiva, le Fono Faufautua a Samoa i Aukilani ma le Mafutaga Soofaatasi a Faifeau Samoa i Aukilani.
O lenei sa’iliga malo ua silia ma le lua tausaga, o loo tagi lava i lima. Ua manatu ai la tatou tapenaga e talosaga faaaloalo atu i lo outou mamalu, aemaise o aiga ma fanau a i latou o le a faamanuiaina i lenei sa’iliga malo mo sau foa’i e fesoasoani i fuafuaga o loo tapena nei. Tele pe itiiti, ae faitau ai lou sao tāua:
- NEW ZEALAND DONATIONS: E mafai ona tuusa’o lau fesoasoani i le bank account o loo i lalo:. Faamolemole e faaaogā lou suafa o le reference mo a tatou faamaumauga.
- Name: Taeao o Faiva
- Account #: 01-0221-0854907-00
- Bank: ANZ
- OVERSEAS DONATIONS: E mafai ona fesoota’i mai Teleiai mo le faaaogāina o le Western Union poo le Money Gram e lafo mai ai lau foa’i.
O le a toe maua atu i se taimi lata mai faamatalaga uma faatasi ai ma le LINK e talosaga ai online.
