Ua sui le faamatalaina o le uma ona faia o tui e lua ma le uma ona faia o lou tui o le booster
O lea e le toe taua le uma o tui e lua o le fully vaccinated, ao le faia o le booster o lona uiga ua up to date
O suiga nei o faamatalaga na faamanino mai e le faatonu o le soifua maloloina, Dr Ashley Bloomfield ma ia toe faamamafa le taua o le mautinoa ua faia uma tui, poo le vaxxed to max
E oo mai i le aso ananafi e tusa ma le 950,000 tagata Niu Sila ua agavaa ae e le i o e fai le booster
Ae I tagata ua uma boosters, o le 72.8% o tagata agavaa I Niu Sila o lea ua maea faia, lona uiga e I luga atu o le 2.5 miliona tagata
Ua toe faamanatu ai le faatonu i le moomia o le faia o le booster ia mautinoa ai e puipuia mai le Omicron
Ao toe faamanatu mai ai la, masalo o le toatele ua tele le manao peitai ua le mafai ona o lea e faatonuina e tatau ona faatali mo le ono masina talu ona e maua I le Koviti faatoa mafai ona agai e faia le tui
