O loo faamaopoopo e fomai ma i latou o loo galulue i le soifua maloloina faamatalaga e saga suesueina ai le aafia o tagata e umi ona maua i le Koviti, poo le long Covid i totonu o Niu Sila
O suesuega nei o le a tuufaatasia ai le rehabilitation framework, ma e le gata o le a fau mai suesuega faia i totonu o Niu Sila ae faapea atunuu i fafo
O le long Covid i faatusatusaga ia Peretania, o le toatasi mai le toalima e maua i le Koviti e oo atu i le lima vaiaso e maua ai pea i nisi o auga, ao nisi o kulupu na suesueina o le toatasi mai le toasefulu e oo atu i le 12 vaiaso o loo faalogoina lava
I le taimi nei e le o iai se vailaau e togafitia ai le faaumiumi ona aafia o le tagata i le Koviti poo le long Covid, ma ia i latou o loo maua ai ua faailoa e ui lava ina sau le faaiuga ua negative ae faalogoina pea le tino gagase, tau puni le manava, tale umi, galogalo mea i le mafaufau, le manogi se ai, tiga sooga o le tino ma le lava i le tele o taimi
Tusa ma le 8000 Kiwis o lea ua valaaulia i lea suesuega ma o loo iai le naunautaiga ia mafai ona iai ma leo o aiga na aafia i le faamai e aofia ai aiga Maori ma Pasefika
