Ua faailoa e Denmark o le a o latou faaaluina le 14.6 piliona e unaia ai ma faamalosia a latou puipuiga i vaega o le arctic region e galulue faatasi ai ma teritori e pei o Greenland ma Faroe Islands.
O le maliega lea pei ona lipotia e le BBC e aofia ai ma ni vaa se tolu i le Arctic, o drones ma satelite ua faaaoga ai faiga faaonaponei.
Ta’ua e le Minisita o le Puipuiga a Denmark, Troels Lund Poulsen e tatau ona matuai silasila le atunuu i luitau ua aga atu i ona puipuiga.
Ua faia lea gaioiga e Denmark i le maea o le faia pea o le folafolaga a Trump e manao e na te mauaina Greenland, o se motu o loo avea pea ma vaega o Denmark.
Puna o Faamatalaga: https://www.bbc.com/news/articles/cly5661xd3no
