Ua lapataia tagata i Ausetalia e iai foi le isi ituaiga imeli taufaavalea lea ua talafo ane e le au taufaavalea i imeli a tagata ae faaaogā ai le kamupani a le Bunnings.
Ua faamaonia mai e le National Anti-Scam Center i luga o le X poo le twitter e maua e tagata imeli fai mai e aumai mai ia Bunnings ma ofoina mai ai ni gift cards e 500 le tupe o loo iai.
Fai mai le NASC o lea tulaga o se taufaavalea ma aua ne’i kilikiina le link o loo faailo atu i le imeli ae logo vave loa leoleo poo le scamwatch.
E toatele e aafia i ituaiga taufaavalea faapea ma ua faamanatu mai leoleo ina ia silasila ma le toto’a i au imeli a o lei tilofaia ne’i aafia oe i faiga a le au taufaavalea.
