O le a lē auai ane Pope Leo XIV ma le Vatikano i le Board of Peace a Trump e pei ona faamaonia mai e se sooupu a le Vatikano i le asō ma le faamatalaga o Malo Aufaatasi e ao ona tuu iai le matāfaioi lea o matāupu e tula’i mai.
Lipotia e le CNN o le Board poo le Fono Faatonu lea o le a ta’ita’ifono ai lava Donald Trump ma sa faia ina ia vaaia ai le toe faatulagaina o Gaza peita’i e foliga ua faaauau ane ana matāfaioi i le avea ma totino e faatonutonuina le filemu o le lalolagi atoa.
O le faamatalaga mai le Vatikano e tauala ane ia Katinale Pietro Parolin ua ia faailoa ai i le autusitala latou te lē faaaogāina le valaaulia na tuu ane ona e lē o fiafia foi i nisi o vaega o loo aofia i le fuafuaga ua faataatia ma latou te lagona e iai ni matāupu tāua tele e ao ona soalaupule.
Fai mai le Vatikano o le isi o loo latou popolega ona e tatau lava ona feagai Malo Aufaatasi ma matāupu faapea.
Fai mai le Fale Pa’epa’e e pei ona saunoa le Failautusi o Karoline Leavitt o le filemu e lē tatau ona na o se vaega pe faapolokiki pe faafaigatā foi.
O isi atunuu e lē o saini foi i le Board of Peace e aofia ai Peretania, Farani ma Norway.
O le Aso Tofi o le vaiaso nei o loo ta’ua ua fuafua e faataunuu ai le ulua’i fonotaga a lea Fono Faatonu i Uosigitone.
Puna o Faamatalaga: https://edition.cnn.com/2026/02/18/europe/pope-leo-board-of-peace-refusal-intl
