O loo sologa manuia togafitiga sa feagai ai ma le Tamaitai Palemia o Samoa, Afioga Fiame Naomi Mata’afa i le mae’a o togafitiga i le vaiaso talu ai i Niu Sila nei.
Lipotia mai e le leitio faavaomalo a Niu Sila sa iai le fuafuaga e taliu i Samoa le Tamaitai Palemia i le mae’a o le fonotaga a Malo Aufaatasi e faatatau i le tau, peitai na afea Aukilani ma faatino ai lea togafitiga.
Ta’ua i le lipoti se faamatalaga o loo lipotia e le Samoa Obseever a le Sui Palemia o Samoa, Tuala Iosefo Ponifasio na ia ta’ua ai ua faasolo manuia le taitai o le atunuu.
Lipotia foi e le Talamua Online faamatalaga mai se tasi o le aiga o le Tamaitai Palemia ua ta’ua ai e ui ua misia le auai o Fiame i nisi fuafuaga faaleaiga mo aso fiafia ae o loo lagona le fiafia ona o loo iai pea i Niu Sila nei seia maua ane se faamaoniga mai fomai e faamaonia ai le mafai ona toe foi i fanua.
