Na fana e leoleo le alii i luga o le off-ramp pisi o le motorway i Sisifo o Aukilani.
O lē na fana e leoleo na tu ai lana taavale i Lincoln Rd i le mae’a faia ai o a latou tuliga ananafi, ma o loo tuuaia o lea sa taumafai e ave faamalosi taavale a tagata sa i luga o le auala i lea taimi, ma o lea na fana ai loa.
Na lipotia foi o lea sa faaaupegaina lea alii, ma e lua lelei taavale na taumafai e ave faamalosi peitai e lei manuia.
Na ave ai i le falemai i le mae’a ona aafia i pulufana, ma e faapea e lē o ni manu’aga e ono lamatia ai lona soifua.
Na aafia ai ma feoaiga a femalagaa’iga lautele i Sisifo o Aukilani i le taimi pisi o le mānava o galuega i le afiafi ananafi.
