Tusa ma le 4000 tagata Ukraine o loo iai o latou aiga iinei, o le a mafai ona sulufai mai i Niu Sila
O le faaiuga lea ua faailoa mai a le malo i lalo o le Special Ukraine Policy na tatala ananafi mo le tasi tausaga
O le a agavaa ai tagata o aiga i visa faigaluega lua tausaga, ma o le a mafai e tagata Ukraine ua avea nei ma sitiseni pe nofomau i Niu Sila ona lagolagoina pe sponsor tagata o aiga o loo i Ukraine
O se avanoa foi o le a mafai ona saofaga ai fanau e sulufai mai i aoga.
O se visa faapitoa tele lea ua faatagaina e Niu Sila i lalo o lana lagolago faavaomalo e tusa ma saunoaga a le minisita o femalagaiga, Kris Faafoi
Ese mai i visa mo faigamalaga, mai le minisita o le va i fafo a Niu Sila Nanaia Mahuta, o lea ua toe faaopoopo le isi $4 miliona fesoasoani mo Ukraine ma ua $6 miliona faatasi ai nei ma le isi $2 miliona na ave muamua
O ni fesoasoani ua sau ai ao faatupulaia pea tagata Ukraine o ese faamalosi ona o osofaiga a Lusia
