Ua faamuta le poloketi $150 miliona tau tekonolosi a le malo, ona e lē o lelei.
O lea ua toe tautino le matagaluega o le va i fafo i tala a le leitio a Niu Sila ua taofia nei le poloketi o loo teu ai i le clou faamaumauga tau i faaipoipoga, maliu faapea pepe fananau.
Ua motusia ai ma galuega a i latou o loo faakonekarate i lalo o lenei poloketi, ma e ono aafia atu ai ma tagata faigaluega.
I le iva masina talu ai na fai mai ai le matagaluega o loo sologa manuia le Te Ara Manaaki, peitai e lē o le tulaga lea o iai.
E lē o mafai ona faamautinoa mai e le matagaluega pe fia tupe a tagata totogi lafoga ua goto ma gau ai i le Te Ara Manaaki, ae i nisi o lipoti o lea ua ova ma le paketi na faaagaga mo lea faamoemoe.
E lē fou le gau o tupe a tagata totogi lafoga i poloketi tau IT a faalapotopotoga o loo i lalo o faamalumaluga a le malo.
