Ua aloaia nei le faalēaogāina e le faigamalo fou o le poloketi o le Auckland Light Rail.
I se saunoaga mai le minisita o femalagaiga, Simeon Brown ananafi o lea ua faatonuina nei e le malo le taofia uma o galuega o le poloketi ma o lea faatonuga na tuuina atu i le Auckland Light Rail Limited.
O lenei poloketi sa faamoemoe e faia ai le auala train agai atu i Mt Roskill ma o lea na talia e le faigamalo faatoa uma, peitai i se faamaoniga mai le minisita, ua uma le 6 tausaga ua silia ma le $228 miliona ua faaalu ae e leai ma se mea ua tupu.
O le aotelega o le tau o lenei poloketi e oo atu lea i le $15 piliona, ma i fautuaga e ono oo atu i le maualuga e $29.2 piliona.
I se saunoaga a le minisita o le faamuta ai o lenei poloketi ua toe fetuutuunai ai poloketi e ave iai le faamuamua a le malo aemaise o isi poloketi e talitonu e faaleleia ai itu tau femalagaa’iga i Aukilani ma lona aai pisi.
