E toa 26 sui mai le Iunivesite o Otago ua filifilia I lenei tausaga o le a tuuina iai faailoga o le avea ma polofesa I lenei tausaga.

Ole sui faa ao o le Iunivesite Prof Harlene Hayne na ia faamanuia I latou ia e toa 26 ile vaiaso nei ma ua faataua ai ma lo latou sao ilegaluega fita o loo feagai ma latou I totonu o le Iunivesite.

E le gata ina amanaia ai a latou galuega ua ausia taitoatasi ae ua faailoa ai ma le eseese o taleni o loo iai I le Iunivesite lenei mae faailoa e le sui faa ao o le a mataitu lava ma le totoa nisi o a latou galuega I le lumanai e le gata I suesuega ao faiva faaauau o loo gapatia ai.

Mai lea toa 26 o loo filo ai ma se alo o Samoa o Faumuina Faafetai Sopoaga, o ia o le uluai tamaitai pasefika ua filifilia I  lea tulaga I le Iunivesite ae o le uluai fomai tamaitai foi o le pasefika , first female medical doctor ua filifilia ose polofesa I Australasia, atunuu e aofia ai Ausetalia, Niu Sila,ma isi atunuu o le pasefika. Ole 2018 na faamanuiaina ai Faumuina ile prime minister’s supreme award for tertiary teaching, aemaise le faailoga mole lagolago I tamaiti pasefika. O loo avea foi ma faufautua o le soifua maloloina a le matagaluega o le va ifafo ma fefaatauaiga a niusila I samoa e pei ona faailoa mai I le pepa o faamatalaga ma e oa foi I lana gagana male auaunaga I le komiuniti.

O le suafa Faumuina o loo faasuafaina ai mai lona afioaga I Fagaloa I lo tatou atunuu, O nei faamanuaiaga e amata faamamalu I le aso muamua o Fepuali 2021.