Ua faamatuu ane le faaiuga a le faamasino I le alii o Sam James Edmands ma o le a tuli ai lona faasalaga ile fale home detention ile mataupu na aofia ai I se tasi o faiga solitulafono faavaomalo e aofia ai fualaau faasaina.
O le masina o Novema na ioeina ai e Sam ona moliaga ile mataupu lenei pei ona lipotia e le Herald. Ua faailoa sa musu e faamatuu ane le pin o lana telefoni mo suesuega a leoleo lea na sueina ai ma lona fale I Hillsborough i se taimi ua sola.
E oo atu I le 10 tausaga I le falepuipui lona faasalaga na tuuina ane e le faamasino ma o ia leisi sa pueina I le 2020 ile maea o le suesuega a leoleo mo le valu masina na faia ai ile mataupu lea.
Fai mai leoleo pei ona taua ile lipoti lava lea e fetauaina pe a ma le silia ma le tone o le fualaau faasaina o le aisa , cocaine ma is isa aumaia faanana I totonu o le atunuu I totonu o le tolu tausaga.
O se tasi itu taua o loo taua I le lipoti o se suiga ile soifua o le alii o Sam talu ona tulai mai lea tulaga ma ua faailoa sa fesoasoani iai ni tamaitai se toatolu o lona, tina, lana paaga ma si ona afafine, Ua iai foi le faamoemoe mo le faalauteleina o le tomai e ala i aoaoga.Ua talia nei e le faamasinoga le faamaeaina o le tuliina o le faasalaga I lona aiga ao isi na aofia ai foi I le mataupu lea o loo faatalia foi o latou faamasinoga.
