O faamaumauga sa aoina o se vaega o le export education levy a le malo ua faailoa ai e itiiti ane i le $250 miliona tupe na maua mai e institutions mai pili o tamaiti a’oga mai fafo i le tausaga 2020, o le tele lea o le eseesega ma tupe na maua i le 2019 a o le’i iloga ona aafia le atunuu i le Koviti-19.
Ua faailoa ai i le lipoti mai le RNZ o le tausaga nei la o le a itiiti atu lea tupe maua ona e to’aititi tamaiti mai fafo o loo lesitala i lenei tausaga.
Ua faailoa e le Immigration NZ i le lipoti lava lea e na o le 14,639 tamaiti a’oga mai fafo o loo lelei pea visa e aooga ai i Niu Sila talu ona toe tatala tuaoi o le atunuu i le aso 31 o Iulai. Lona uiga ua pa’ū maualalo lea aofai mai le 60 afe sa iai i le faato’ā tetele mai o aafiaga o le faama’i ia Mati 2020.
I le alia’e ai o ia faamaumauga ua iloa ai foi o a’oa’oga maualuluga tertiary institutions ia na totogi aga’i iai ia pili ae le’i maua foi ni fesoasoani mai le malo, e pei o se faata’ita’iga o a’oga o gagana, o latou ia na matua’i aafia foi mai le koviti ma faamauina ai le pa’ū o tupe maua e faatusa atu i tausaga i luma atu.
Fai mai e 40 pasene ua faaitiitia ai le tupe maua mai i pili i iunivesite mai tamaiti a’oga mai fafo mo le tausaga lava ia talu ai. I faamaumauga a le ofisa o femalagaa’iga ua faailoa ai mai le aofa’iga o tamaiti a’oga mai fafo na tuvae mai i Niu Sila nei mai le aso 31 o Iulai ina ua tatala tuaoi, lea e 14,639, o le 6,039 o i latou ia e omai mai Saina ae 1,374 e mai Initia.
E manatu i latou o loo feagai ma le puleaina o a’oa’oga, atonu poo ni nai tausaga i luma atu ona faato’ā toe foi lea o mea uma i le tulaga sa iai a o le’i oo mai le koviti.
