Foliga e iai nisi ua fesiligia le lumanai o le taamilosaga o le Super Rugby Pacific lea na amata aloaia ana taaloga I le faaiuga o le vaiaso e le gata I taaloga I Niu Sila nei ae faapea foi I Ausetalia. Ole taaloga a le Fijian Drua leisi au ua auai nei I le taamilosaga mo le uluai taimi, na faiaina ai I le au ale Waratahs 40-10.
Faailoa ai nisi finagalo e foliga e le o ausia e le taaloga le tulaga masani ona iai I taamilosaga faavaomalo faapea aemaise foi o le tulaga ile pulea lelei o le amio I luga o le malae aemaise lava I le maualuga e tatau ona iai taamilosaga faapea.
O le taaloga a le ACT Brumbies na malo ai ia Western Force I ai e 29-23 e ui sa aiilia le Force I minute amata o le taaloga. O le pepesi o le faamai leisi mafuaaga tele e manatu nisi ua mafua ai nisi o suiga I le taaloga aemaise ile performance a au taitasi. O le taaloga a le Blues ma leisi au fou ile taamilosaga, le Moana Pasifika na toe tolopo ona o aafiaga o .nisi o tama taaalo I le koviti.
Fai mai le faiaoga o le au a Fiti, Mick Byrne o le a vave le pu’e a ana tama taaalo aua o le toatele oi latou e fou uma I le super rugby. O le taaloga a le Chiefs ma le Highlanders na malo ai le Chiefs 26-16 ae faatoilalo e le Crusaders le Hurricanes I ai e 42-32. Fai mai o le taaloga a le Chiefs ma le Highlanders na faia I se malae taalo laititi I le aai o Queenstown ae o le taaloga a le Crusaders ma Hurricanes na faia I le malae I Dunedin e leai ni au matamata.
O leisi fesili ua laga pe talafeagai le ituaiga maualuga o le taalo ua vaaia I taaloga a le super rugby e lava tapena ai le au a le atunuu le All Blacks mo taaloga faavaomalo ma au tetele mai le itu I matu o le lalolagi, le Northern Hemisphere.
