E 14 moliaga ua molia ai i latou e toa 16 lea na maua mai le osofaiga a leoleo i Malifa.
O le aso ananafi na tutulai ai i latou i luma o le alii faamasino ia Fepuleai Ameperosa Roma.
E lei tuuina atu sa latou tali i moliaga o le umia o fualaau faasāina faapea le umia o paipa e ula ai le aisa, peitai ua tatala i tua le toafā o i latou i aiaiga ua tuuina atu iai e le Faamasinoga.
O le isi toatasi o i latou o le a tulai ai i le asō i le Faamasinoga Faaitumalo, ae ua fautuaina e le Faamasinoga loia o loo tulai mo i latou ina ia oo atu i le valaauga e sosoo ai ua tuuina atu sa latou tali i moliaga ua faatulai e leoleo.
O le aso 12 o le masina nei lea ua tuuina atu iai lea mataupu e toe valaau ai.
