O le tulaga manuia o le Ipu o le Lalolagi i le soka na talimalo ai Niu Sila ma Ausetalia i se taimi e lei mamao atu ua avea o se maka lelei mo Niu Sila i tulaga tau taaloga faavaomalo.
E silia ma le 340 afe tagata matamata na maimoaina taaloga e pei ona faatulagaina i lea faamoemoe.
O le finagalo faaalia o le polofesa o le iunivesite o Aukilani i tulaga tau taaloga, Toni Bruce e tatau i le isi faigamalo e tulai mai ona faaauau pea lea tulaga lelei.
Faailoa e le alii polofesa e tele foi aafiaga o le National Media coverage sa iai i le faamoemoe ma ua siitia tulaga tau faasalalauga o taaloga faatusa i tausaga ua tuanai.
E silia ma le 85 afe tagata na afea nofoaga mo taaloga i Aukilani ma vaaia foi e siita o bookings poo tagata e faaaogāina hotels i le taimi o le taligamalo mae manatu le alii polofesa ma nisi foi finagalo lagolago iai i luga o upega tafailagi, a aveaveai ai pea le tulaga tauleleia lea o Niu Sila i taligamalo e le taumate o le a tele se vaegatupe e fesoasoani ai i le tamaoaiga o le atunuu i le agai i luma.
