O le a totogiina uma e le faigamalo a Vitoria tupe a le faitau selau o aiga na leiloloa pe lusi tupe i deposit o o latou fale na ave i le kamupani fau fale le Porter Davis lea ua le o toe faagaioia.
O le folasaga lea mai le premier o le setete o Daniel Andrews i le taeao analeila ma folasia ai o le a toe totogi uma ane tupe ia i aiga e 560 e leai ni inisiua na faia e le Porter Davis e pei ona folafolaina ane ia i latou.
E lei toe faia lava ni galuega i fale o nai aiga ia talu ona faaletonu le kamupani.
E manatu Andrews o le fuafuaga lenei o le a faaalu ai le tupe a le au totogi lafoga e $15 miliona ma ia faailoa foi o le mea sa’o lea ua faia.
