Ua aveese le tofi perenise o le aloalii o Andrew i le aigatupu o Peretania ma o le a aga’i ese mai ma le Windor mansion, le nofoaga o le aigatupu.
O lipoti lata mai ia mai le BBC ma le faamatalaga e faapea ua mae’a faatulaga e le tupu o Peretania, Tupu Salesa le tulaga o le a iai lona uso, o le a iloa ia Andrew Mountbatten Windsor ae lē o Prince Andrew e pei ona sau ai.
O le amataga o le masina nei na aveesea ai foi isi titles o Andrew e aofia ai le Duke of York, e māfua lava i le tele o le mau fesili e faatatau i lona soifua ma nisi o tuua’iga faasaga ia te ia i le matāupu e aofia ai le alii o Jeffrey Epstein.
Faailoa e le BBC e talitonuina o le nofoaga o le a aumau ai Andrew i le taimi nei o le a faatupe lava e le Tupu o Salesa ae iai lipoti o loo ta’ua ai o loo fai pisinisi ma isi ana sootaga i Saina ma isi atunuu.
Puna o Faamatalaga: https://www.bbc.com/news/live/cnveqgj957dt
