Ua umusa ma tatala le galuega tele o le ulua’i nofoaga e tausia ai tamā ma tinā matutua i lo tatou motu o Savaii lea e 3 tesimale 5 miliona lona tau sa tagiilima seleni na fausia ai, faapea foa’i mai nisi o Samaria agalelei.
O se nofoaga ua tapena e le Ekalesia Katoliko i Samoa e pei o le nofoaga o Mapuifagalele ae e tatala mo matua tausi o le atunuu mai soo se ekalesia.
Sa maua se faatalanoaga ma le afioga Patele Paulo Filoialii o loo galue i Kalaiesetete i Niu Sila sa malaga mai i Samoa e momoli le meaalofa tupe mai tagata lotu Katoliko i lea vaega o Niu Sila o loo galue ai i le galuega tala’i ma ia faailoa ai le galuega ua tatala, ae o loo mana’omia le fesoasoani i nisi o vaega e sili ona mana’omia a o le’i faaulufale tamā ma tinā matutua o le a latou amata nofoia le nofoaga.
O se faatalatalanoaga ma le afioga Patele Paulo Filoialii ua 29 nei tausaga o galue i le Ekalesia Katoliko i le aai o Kalaiesetete i Niu Sila.
O le nofoaga o tamā ma tinā matutua i Savaii e pei ona silafia sa iai muamua le Kolisi o Logoipulotu i tausaga e tele ua tuana’i.
