E lua poloketi tetele a Kaitaia na tatala uma i le aso ananafi.
O le town square fou i lona taulaga ma le fale aau lea toeitiiti tolu sefulu tausaga talu ona tuufaatasia mai.
O Kaitaia e lei iai muamua se nofoaga i lona taulaga e mafai ona faatasitasi uma iai tagata pe faaaogā foi mo sauniga, ma o le town square ua tatalaina nei o se fiafiaga tele lea e lē gata i le puleganuu a o tagata Kaitaia.
O le mae’a ootiina ai o le lipine o le town square, na faasolo atu ai loa i le tatalaina o le Te Hiku Sports Hub lea o loo iai i totonu swimming pools ua toe faafou.
I nei poloketi e lua, o le $8 miliona mo le town square na sau mai le Covid-19 Response and Recovery Fund, ae o le Hub o le tele lava o lea na faatupe e lana puleganuu ma nisi o foai ma sailigatupe na faia.
Na auai i le sauniga ananafi sui faipule na togimaa i poloketi tetele nei faapea sui o le puleganuu.
O swimming pools o lea lava na tatala i le aoauli ananafi mo taelega a tagata lautele.
Puna o Faamatalaga: https://www.rnz.co.nz/news/national/518758/kaitaia-opens-new-town-square-indoor-swimming-pool-on-the-same-day
