Ua sauni atu le faigamalaga a le minisita o le va i fafo a Ausetalia, Penny Wong mo Sasae Tutotonu.

Fai mai le ABC o le a afea e Wong, Isaraelu, West Bank ma o ia le uluai sui sinia o Ausetalia o le a asia lea faaitu talu ona amata le taua i Gaza i le masina o Oketopa i le tausaga talu ai.

A o sauni ai le malaga a le minister, o loo faamauina foi le lagolago a Ausetalia i osofaiga o loo faia a Amerika ma Peretania i Yemen.

O le vaiaso nei ua tuuaia ai e le Palemia o Ausetalia, Anthony Albanese, ia Iran i le iai o sana gaioiga le lelei o loo faia i le faatupulaia o le taua i le va o le Hamas ma Isaraelu.