O Mati o le tausaga nei lea ua tuuina atu iai le iloiloga o le talosaga mo le tatala ai i tua mai le vaaiga a leoleo le alii na malaga i galuega faavaitaimi peitai o loo iai ona moliaga tau faigaaiga faamalosi na molia ai.
O loo iai pea lea alii i le vaaiga a leoleo ina ua toe tipoti mai ona o lana solitulafono.
Na mafai ona tipoti mai lea alii ona o fesootaiga a leoleo i lo tatou atunuu ma Niu Sila.
O loo teena e lea alii ona moliaga ma ua faatulaga ia Iuni o le tausaga nei le suesueina o lea mataupu i le Faamasinoga.
