O le Aso Gafua o lenei vaiaso o le a sainia ai e Samoa ma le sui failautusi o le va i fafo o le malo tele o Amerika le feagaiga e avanoa ai ona sa’oloto le feoa’i mai o vaalele mai lea atunuu i fuafuaga mo le puipuiga o atunuu o loo faipaaga ma lea malo.
O le Aso Sa na taunuu ai i Samoa le sui failautusi o le va i fafo a Amerika le susuga Christopher Kandau ma lana aumalaga.
O le Aso Sa foi na taunuu ai i o tatou fanua ma le Kovana Sili o Amerika Samoa le afioga Pulaalii Nikolao Pula ma sui o lana faigāmalo i le faamoemoe e feiloa’i atu i le sui failautusi o le va i fafo o le Iunaite Setete mo nisi o talanoaga a o iai i Samoa i se malaga faalemalo.
Ua iai le faamoemoe e feiloa’i le sui failautusi o le va i fafo ma le Palemia o le tatou malo ma Minisita o le Kapeneta.
O se tasi o polokalame o le afea o le tatou atunuu e se tasi o sui maualuga o lea malo, o le tauaaoina atu lea o se foa’i o meafaigaluega mo le puipuiga o le saogalemū o leoleo poo malu o le malo.
