Ua sau le lipoti o le iloiloga na faia i le emergency department a Middlemore, ma e faapea o lea sa pisi i se pisi e le’i masani ai.
O le iloiloga lea na faia faasaga i le maliu o le gasegase lea na toe alu i lona aiga mulimuli ai toe faatopetope atu i le ulu tiga, peitai ua tuai ma i’u ina maliu ai.
I lea iloiloga ua iloa ai e le’i agai sa’o le gasegase ua maliu e lesitala o ia i le kesi pito i luma i le aso 16 o Iuni, ma o le mafuaaga foi lea e le’i faia ai nisi su’esu’ega mulimuli ane e iloa ai lona tulaga tigaina.
E le’i faapea foi na faatonuina e se isi e toe alu i le fale pe na teena le vaaia o ia, peitai ona o le umi ona faatali o le taimi e vaai ai se foma’i o lea na toe alu ai, ma i lea taimi e tusa lea o le tasi i le vaveao, e latalata i le 200 gasegase sa faatali.
O le talatalaga lea e le lipoti o le toe alu ese mai o lē ua maliu, ma e lē o ‘alo ai le iloiloga i nisi o itu e tatau ona faaleleia i le falema’i i Middlemore lea e tatau ai ona faaleleia ma ia lava fesoota’iga ma gasegase o loo faatali e vaai se foma’i.
O nei foi fe’au e tatau ona matua’i manino o loo malamalama le gasegase e ala i le gagana e malamalama ai.
