Ua taofia se ulugalii i le itu i Sasae o Pakistan ona o loo masalomia i le fasiotia o se teineitiiti 13 tausaga le matua sa faigaluega i le ulugalii lea o se teine faigaluega ae ua feta’ua’ina na māfua ona maliu ona o le nanāina o ni sukalati.
Fai mai e tele manu’aga o le teineitiiti ma maliu ai lava i le falema’i.
O lenei faalavelave ua alia’e ai le tele o le loto tiga ma le lē fiafia i lenei mataupu aemaise o loo iai tulafono e aofia ai le faafaigaluegaina o se tamaitiiti e i lalo o le 15 tausaga.
Fai mai leoleo o loo iai faamaoniga sa sauāina lē ua maliu ma o loo tālia le i’uga o su’esu’ega o loo faia.
Puna o Faamatalaga: https://www.bbc.com/news/articles/cx2k2ly8j75o
