Ua i’u ina molia le tamaitai tausi soifua mai Sini lea o loo feta’ua’ina na ia faia ni faamatalaga i luga o se video e faatatau i tagata Isaraelu.
O Sarah Abu Lebdeh sa fai lelei lana togiga tausi soifua i le falema’i i Bankstown i le taimi na pu’eina ai le video ua faalauiloa solo i upega tafa’ilagi, feta’ua’ina ai lo la faia o faamatalaga e faatatau i le fasiotia o ni gasegase Isaraelu.
E 26 tausaga o lē ua molia na pu’eina i le ofisa o leoleo i Sutherland i le ‘afa o le 7 i le afiafi ananafi.
Na molia i moliaga e tolu, commonwealth offences e aofia ai le faamata’u o ni sauāga, faaaogā o se auaunaga e faaoo ai le maliu ma faamata’u i se tagata.
Fai mai le Komesina o leoleo i NSW, Karen Webb o moliaga ua faia i le mae’a o galuega fitā sa feagai ma le ausu’esu’e.
Ua toe tatala i tua le tamaitai lea se’ia tula’i i le faamasinoga i le aso 19 o Mati.
Puna o Faamatalaga: https://www.9news.com.au/national/nurse-charged-over-alleged-antisemitic-video-bankstown-hospital/00b0f44c-49de-4bdb-a877-4b1de1a2bf82
