Ua molia se alii mai Sini ina ua feta’ua’ina lona faia o ni faamata’u e fasioti le teutupe a le atunuu o Jim Chalmers.
Fai mai le 9News e 55 tausaga o lea alii na pu’eina e leoleo ma faia se sa’iliga i lona fale i Macquarie Fields.
Ua ta’ua i le lipoti o lea alii ua feta’ua’ina i ni faamata’u i le alii teutupe ma ua molia ai i le faia o ni faamata’u e fasioti atoa ma moliaga tau ‘au’upega.
Fai mai le ta’ita’i o le su’esu’ega a le Australian Federal Police, Detective Jeremy Staunton e lagolago e leoleo le saolotoga e faailoa ai finagalo o tagata ma manatu faapolokiki peita’i a oo loa i le tulaga ua soli ai le tulafono e pei o faamata’u e fasioti, e lē faatagaina la e leoleo lea tulaga.
Fai mai le alii leoleo o le lafi i tua o le keyboard poo le telefoni, e lē faapea e lilo ai oe ma le oo atu ai le aapa a le AFP.
O loo iai metotia faatekonolosi ma resources e mafai ona ave ai oe i luma o le tulafono.
Puna o Faamatalaga: https://www.9news.com.au/national/jim-chalmers-man-arrested-death-threats-federal-treasurer/846bcf59-0094-40e9-8b9d-92c59869a538
