O lē sa avea ma Palemia o Fiti i tausaga ua te’a o Frank Bainimarama ma lē sa avea ma Komesina o leoleo o Sitiveni Qiliho lea ua molia i le faatupuina o ni lagona faatautee i le faigāmalo o iai nei.
Ua ta’ua e le RNZ o le vaiaso nei e tatau ona tutula’i ai i la’ua ia i luma o le faamasinoga.
Fai mai loia o loo feagai ma le matāupu o i la’ua ia ua o la una’ia leoleo sinia ina ia tetee atu i le ta’ita’i o le militeli o loo iai i le taimi nei Jone Kalouniwai.
O le faaosofia o le agaga tetee faasaga i se faigāmalo o se solitulafono i lalo o le tulafono o soligatulafono a Fiti.
E 16 tausaga sa ta’ita’ia ai e Bainimarama Fiti talu mai le 2006 na faato’ilalo ai le faigāmalo na iai se’ia oo mai i le 2022 na faia’ina ai i le faigāpalota a le atunuu.
Puna o Faamatalaga: https://www.rnz.co.nz/international/pacific-news/587280/fiji-s-former-prime-minister-frank-bainimarama-charged-with-inciting-mutiny
