O lea ua maua le tina na toalua ma le case faamaonia na malaga atu I Northland mulimuli ai faamaonia ua maua I le Koviti
I se pepa o faamatalaga mai leoleo anapo, o le tina na paso e tausaili na maua mai se tasi o fale I Aukilani I sisifo ma o lea na ave e leoleo ma o loo fuafua e uma auina atu I se nofoaga faanofoesea
O le tina lenei na toalua ma le case faamaonia ua mafua ai ona tuu Northland I le lapataiga vaega 3
O le faigata o tina uma nei e toalua na o I Northland, e le o fia talanoa I leoleo I nofoaga na asia atoa ai e sese numera o telefoni sa faamauina I le talosaga na talia ai le o ese atu ma Aukilani
Tuufaatasia tala fou e le o mautinoa pe na faia se siaki o le tina faatoa maua anapo, ma I saunoaga a le taitai o le atunuu Jacinda Ardern ananafi, na ia faailoa ai lona faanoanoa ia I laua nei
