E to’atasi le fitafita Niu Sila ua fasiotia a o iai i Ukraine.
O le tala mai lea ananafi mai le New Zealand Defence Force, ma e faapea o lea fitafita e fasiotia o ave ona aso mālōlō lē totogia poo le leave without pay, ma e lē o faigaluega.
I le lipoti a le Herald, o lē ua fasiotia o Dominic Abelen ma o se fitafita e faamautu i Burnham Military Camp i Kalaiesetete.
Ua momoli ai ma faamaisega a le minisita o le Defence, Peeni Henare i le aiga, uo faapea fitafita faanoanoa i le tala ua sau.
I uluai lipoti ua sau i tua e lē o manino mai poo le mea na tau le fitafita ua maliu i le taua o loo iai nei i le va o Ukraine ma Lusia pe leai, ma o loo fesoota’i ma galulue le ami a Niu Sila ma le aiga faavauvau.
